Narrativa y Música: "Fierro, carbón y metralla" (Llanes)

Música y lletres pa una tarde ensin interné. Por Francisco Álvarez y David Varela.

¿Qué puede surdir si xuntamos a ún de los autores más reconocíos de les lletres asturianes con un músicu (non tan) tradicional con un currículu de siete fueyes? ¿Quién será a imponese? ¿El ruxerrux de la curdión diatónica de David Varela o la narración vibrante de Franscisco Álvarez? ¿Serán a amestase nun filo narrativu per igual o dirá cauna a la suya? ¿Contarán dalgo prestoso o valdrá más que volvamos a mirar pa les redes sociales?

FIERRO, CARBÓN Y METRALLA. Música y lletres pa una tarde ensin interné ye una llectura dramatizada de cachos de la meyor narrativa del escritor con una secuencia sonora creada ad hoc pol nomáu músicu. Una escoyeta na que van tar les noveles Lluvia d'agostu y Los xardinos de la lluna, cuentos de l'antoloxía Pasaxeres de la nueche, rellatos premiaos nos concursos de narración curtia de toa Asturies y adelantos d’obres inédites, dialogando con una propuesta musical na que lo mesmo suena un compás aceleráu de les Highlands qu'una añada suavina cola que apaciguar l'espíritu del públicu, enantes de volver a la carga con dalgún de los compases deprendíos por Varela en Lliberdón, La Bandina o La Bonturné.