Concierto "Pandereteres de Fitoria" (Llanes)

Pandereteres de Fitoria desarrollen una comunicación en llingua asturiana que trata de los diferentes papeles que desempañaba la muyer nel ámbitu rural en cuantes que depositaria de la tradición oral, como encargada d’educar a los rapacinos y rapacines y acompañalos dende’l nacimientu hasta la edá adulta, y como archivu sonoru vivu de los saberes necesarios pal desarrollu de la vida cotidiana (dende recetes a cantares pal baille, pasando pelos cantares relixosos). Al mesmu tiempu que la comunicación, los exemplos musicales van escuchase en directu faciendo a los alumnos y a les alumnes partícipes de tradición oral tala. En dalgunos temes van acompañanos dalgunos músicos, que toquen varios instrumentos de cuerda y percusión. Tamién cubrimos la faceta de la reellaboración de los temes tradicionales, dándo-yos un tratamientu más actual, que los fai cercanos a un alumnáu que munches veces siente otros tipos de músiques.

Pandereteres de Fitoria presenten una muestra del so llabor como intérpretes de la música tradicional asturiana fecha por muyeres.